進修/增值之路點行好？

在職進修增值，唔一定係因為為咗升職或被公司要求先要知多啲嘅！俗語都有話「活到老，學到老」，持續學習可以拎多幾張證書，令自己增加競爭力之餘，話唔定仲可以喺呢個過程之中發掘到新興趣甚至係新職業路向，而且再讀返書亦唔代表要付出大量金錢、時間，只要識得事前花多少少時間做資料搜集，都一樣可以輕輕鬆鬆進步！

我適合進修嗎？

當Click入嚟睇得呢篇文，相信都隱約感受到自己有需要或者處於讀咩/讀唔讀嘅掙扎過程中。只要目前生活應付到(食得飽、有地方住呢啲基本嘢)，時間上又配合到，任何背景人仕都適合進修！當然，如果現職工時長甚至係屋企經濟之柱，就一定要同公司同家人商量好先至再考慮以下問題！

進修路向應該點樣選擇？

首先一定要問清楚自己增值目標係咩，唔好旨在參與地貿然同朋友/同事報一個唔知讀咩嘅Course。係想補返張「沙紙」以便將來晉升？感到力有不逮，想喺某啲範疇度增長知識？想轉工，讀個證書/執照直接涵接去相關工作？定係純粹想學習一門技術？呢幾個目的都指引大家去唔同嘅地方就讀，所以一定要諗清諗楚！

如何選擇課程？

本地有非常多機構提供各式各樣、適合成年人及已就職人仕去報讀嘅課程，如果係講緊副學士/學士/碩士/博士，大家只要直接去大學網站或經政府教育局評審的專上課程資料網查詢就OK！其他非本地院校開辦嘅課程，大家緊記一定要Check清楚背景，如有懷疑可以上網查一查該機構及課程是否已向政府註冊或獲豁免註冊！

留意返，如果之前未曾獲批過持續進修基金，記得去睇睇自己有意報讀嘅課程係咪喺計劃覆蓋範圍內，合資格嘅話只要成功修畢就可以獲得合共不超過$25,000嘅資助！另外，政府亦設有免入息審查貸款計劃，喺應付學費支出上有困難嘅可以睇睇！

想增值自己但未有頭緒？

其實只要Search 熱門進修、人材必備技能呢類字詞都會搵到唔少資料，但為咗大家方便，呢度都整理咗少少比大家參考！

世界經濟論壇(World Economic Forum)認為以下近年最有價值嘅技能(只列出部份)：

另外，以下呢啲係可以獲取持續進修基金資助嘅本地課程：

技能系

專業系

興趣系

最新內容