【升職加薪有辦法 3個技巧🌝10大禁忌🌚】

過完年返工之後有冇發現身邊多咗同事/朋友升職加薪？人人都升職又係唔係真係人人都想升職？想升又咩方法？唔想升但畀人推薦又有咩方法？R升職加薪呢件事又係唔係暗藏危機？今次我哋一齊探討吓！

🔸升職加薪 =加辛？

Source from: https://pixabay.com/vectors/chasing-money-follow-trying-catch-7168298/

加薪等於「加辛」，即係高咗人工等於更多工作量呢件事，獨立嚟睇就唔係必然嘅，但如果係同升職一套組合嚟，相信都冇咩人會反對呢個事實吧？收到公司升職加薪通知當然係值得開心嘅，但都請大家冷靜落嚟諗一諗：

🤔如果入職咗唔係好耐又唔係跟過啲咩大Project又唔係有咩過人能力同表現，呢個時候升職對自己係唔係好事呢？

Source from: https://pixabay.com/illustrations/freelancer-fund-salary-bulb-idea-3703388/

👉🏻後生仔敢博敢捱有熱誠，由assistant升正 / junior升senior呢類純粹係因年資或經驗而升嘅，見到升職後同grade同事一樣做得開心，照accept offer先絕對冇問題。但假設係由基層晉升到管理夾心階層，就請三思自己係唔係呢方面嘅人材，由管好自己變成管理一班人，試諗諗即係從記得準時返工變成要編埋其他人更，而家有得去旅行仲分分鐘要處理下屬爭放假等事項，自己係咪ready好哂？如果未，其實都可以爭取其他福利譬如係多幾日大假、升級個勞保PLAN，無謂難為他人又難為自己。

幾時同如何提出升職加薪要求好？

Source from: https://pixabay.com/vectors/money-rich-man-boss-relaxing-cash-6163908/

做嘢有交帶又肯負責任，熱心助人同時又冇咩是非——想有機會爬上高位，以上特質當然係必須啦~不過始終有啲公司多人或者有決定權嘅高層sss唔係經常一齊做嘢，冇人主動邀請都唔代表冇機會晉升嘅~~

• 🌝閱讀清楚公司現況

好重要！時機唔啱根本咩唔需要講落去！公司都人滿為患，隔離兩三個同級同事又剛剛升咗，肉眼可見冇機會就下年請早或者乾脆啲搵工跳槽啦！相對地，喺同一個崗位上打滾咗都有3/5/7年然後對上個位可能因為轉工 / 移民 / 退休而有空缺就勇敢啲爭取啦！

• 🌝年終表現評估

即係做Appraisal前/時 (有啲公司做Appraisal時等於Deal好咗來年計劃)，同上司關係向來唔錯，尤其係今年有立到大功 / 真係有實際需要 (如買咗樓/屋企人退休etc)嘅不妨直接提出！就算對方表示未係時機都唔會無功而還，只要成件事係貼地嘅(獅子開大口要求加薪50%呢啲係玩命，唔係玩笑)，講完會令人留下印象，等到真係有機會時就會諗起！

• 🌝有跳槽機會時

Source from: https://pixabay.com/vectors/freelance-freelancer-idea-job-6686755/

喺任何時候，只要收到其他公司主動聯絡想用更優厚嘅條件邀請過檔 (自己出去見其他工又係另一回事)，而自己想升同加人工嘅同時又想留喺現任公司多啲，呢個就係時機喇！坦白地同上司講發生咗呢件事，對方又開出咩價位同特別條件，公司好自然就會計算要用咩形式去搶人材。萬一聽完之後現任公司一啲想挽留嘅徵兆都冇，自己諗清楚是留是走啦~

• 🌚提出申請10大禁忌

Source from: https://pixabay.com/photos/australian-pelican-pelican-bird-6360078/

– 唔好用通訊軟件提出要求
– 唔好用踩低其他同事，抬高自己嘅方式上位
– 唔好越級挑戰同上上司提出
– 唔好用威脅式，如唔升就離職、唔加人工就唔出席公司活動
– 唔好講大話亂吹，有時行頭細，放出去嘅料屬真屬假好快知
– 唔好為升職加薪胡亂答應新開要求及條件
– 唔好一立功即講，講吓笑暗示吓就夠
– 無論任何人提出，千祈唔好用任何人嘅秘密去交換一個機會
– 一日未見書面通知都唔好周圍同其他同事提起升職 / 加薪安排
– 革命尚未成功，唔好一哭二鬧三上吊，亦唔好周圍唱衰上司同公司